Danke Kathrin Buholzer, dass Du mich uf das Forum ufmerksam gmacht hesch. Ich han mich grad sofort wohl gfühlt!
Ich bin 32 Jahr alt und wohne mit mim Ma und mine 2 Buebe im schöne Züri Oberland. Vor 4 Monat isch euse 2.Sohn uf d´Wält cho. Die neu Situation zäme mit em ganz normale Wahnsinn vo de Trotzphase vo eusem erschte Sunneschii het mich i de letschte Wuche scho vieli Träne choschtet.....
Es het Tage geh, da han ich echt nümme gwüsst, wie ich mit dem allem söll klar cho. Sit ich jetzt aber i dem super-Forum mitläse, han ich scho so viel gueti Tipps vo de Kathrin gläse und agwendet - und ich fühl mich scho nach wenige Tage wieder viel besser. Ha wieder Muet und Freud für de schönschti und stängschti Job vo de Wält - Mami. S´Verhältnis zwüsche mir und mim ältere Sohn het sich ändlich wieder total verschöneret und ich chan ganz andersch uf ihn zuegah....
Es tuet richtig guet, da bi Eu z´si!
Liebi Grüess
Arlecchina